Qasym-Jomart Toqaev: Advokat qyzmetiniń qaýipsizdigin qamtamasyz etý kerek

NUR-SULTAN. QazAqparat – Sybaılas jemqorlyqpen kúreste tıimdi jumysty jalǵastyrý kerek. Bul týraly Memleket basshysy Qasym-Jomart Toqaev Qazaqstan halqyna arnalǵan Joldaýyn jarııalaý kezinde málim etti, dep habarlaıdy QazAqparat.

«Sybaılas jemqorlyqpen tıimdi kúresti jalǵastyrý qajet. Quzyrly agenttik jyl sońyna deıin orta merzimdi kezeńdegi is-qımylymyzdyń baǵdarlamasyn aıqyndaıtyn strategııalyq qujatty bekitýge usynýy kerek», - dedi Memleket basshysy.

Prezıdent bul rette «turmystyq sybaılas jemqorlyqty» joıýǵa aıryqsha nazar aýdarýdyń mańyzyn aıtty.

«Azamattardyń quqyǵyn qorǵaǵanda quqyq qorǵaýshylardyń, sonyń ishinde advokattardyń quqyǵy týraly umytpaǵan jón. Olardyń qyzmetiniń qaýipsizdigin qamtamasyz etip, jumysyna kedergi keltiretin zańsyz áreketterdiń jolyn kesý qajet», - dedi Qasym-Jomart Toqaev.