Qasym hanǵa qatysty qoljazbanyń kóshirmesi Frantsııadan jetkizildi

ASTANA. QazAqparat – Mádenıet jáne aqparat mınıstrligi Arhıv, qujattama jáne kitap isi komıtetine qarasty Qoljazbalar jáne sırek kitaptar ulttyq ortalyǵynyń mamandary Qasym hannyń áıeli Aısha hanymnyń Frantsııadan tabylǵan qoljazba kóshirmesin basyp shyǵardy, dep habarlaıdy QazAqparat tilshisi.

Ortalyq mamandarynyń aıtýynsha, qundy ǵylymı jádiger túrki tilindegi (qypshaq dıalektisi) musylman teologııasy boıynsha jazylǵan.

Qoljazba 7 taraýdan turady. Árbir bólim ıslamnyń qasıetti keıipkerlerine qatysty bir nemese birneshe hıkaıalarmen tolyqtyrylǵan. XV ǵasyr sońynda ózbek-qazaq sultany Qasym Jahangırge (Qasym han) turmysqa shyqqan Aısha sultan hanym-begim tımýrıdterdiń bıleýshisi Sultan Hýseın Myrzanyń qyzy retinde de belgili. Qoljazba Aısha sultan hanym-begimniń jeke kitaphanasynda saqtalǵan. Kitap shaıbanıdter Maýerennahrǵa kelgennen keıin Orta Azııadan qashqan tımýrıdter arqyly Úndistanǵa jetken. Qoljazbany XIX ǵasyrda Frantsııanyń Ulttyq kitaphanasy satyp alǵan. Qasym sultan men Hýseın Baıqara arasyndaǵy dıplomatııalyq qarym-qatynas belgisi

, - dedi Arhıv, qujattama jáne kitap isi komıtetiniń tóraǵasy Qýat Borash.

Ortalyq qyzmetkerleri kitapty túpteý jumystary 2 aptaǵa sozylǵanyn aıtady. Kóshirmeniń jekelegen betteri biriktirilip, bútin blokpen maqta jibin qoldaný arqyly tigilgen. Sondaı-aq muqabasyna arnaıy batıst matasy qaptalyp, karton qaǵazy men qanyq jasyl tústi tabıǵı bylǵary qoldanylǵan.

Qoljazbanyń túpnusqasy Parıj Ulttyq kitaphanasynda saqtalǵan. Qoljazba shamamen 1501-1515 jyldary jazylǵan. Tarıhı muranyń tolyq nusqasy saqtalmaǵan. Óıtkeni basy men sońǵy betteri joq.