«Qasym han» týraly fılmniń kastıngine 34 myń adam qatysqan
ALMATY. QazAqparat - Almatyda «Qasym han» tarıhı serıalyna jarııalanǵan kastıng aıaqtaldy, dep habarlaıdy QazAqparat tilshisi.
2 jarym aıda uıymdastyrýshylar Qazaqstan boıynsha 34 004 ótinim qabyldaǵan.
«Kastıng bitken kezde biz 34 004 adamnyń úmitkerligin qabyldadyq. «Qazaqfılm» kınostýdııasyna probaǵa 7168 adam, elektrondy poshtaǵa 7158 hat kelgen. 6045 úmitkerden onlaın anketa qabyldandy. Kastıng Qazaqstannyń 24 qalasynda ótti», - tarıhı serıaldyń kastıng dırektory Alma Baımuratova.
Іrikiteý jumystary 25 qańtardan 31 naýryzǵa deıin jalǵasty. Alma Baımuratovanyń aıtýynsha, Nur-Sultan, Kókshetaý, Petropavlovsk qalalarynda halyq óte belsendi bolǵan.
«Sáýirden mamyrǵa deıin kastıngtiń ekinshi týry bastalady. Kelesi kezeń vıdeotúsirilim retinde ótedi. Aımaqtarda birinshi kezeńnen ótkenderdi Almatyǵa shaqyramyz», - dedi ol.
Kınokartınanyń túsirilimi jazda bastalady. Birinshi maýsymy 25 serııadan turady.
Esterińizge sala ketsek, qazaqtyń uly handarynyń biri - Qasym hannyń ómiri týraly baıandaıtyn kınojobany QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsiredi.
Jobaǵa tanymal «Ertuǵyryl» túrik telehıhaıasynyń rejısseri Metın Gıýnaı shaqyryldy.
