Qasym han týraly fılmde basty rólderdi somdaıtyn akterler belgili boldy
NUR-SULTAN. QazAqparat – Qasym han týraly «Uly dala tańy» tolyqmetrajdy tarıhı kórkem fılmdegi basty rólderdi somdaıtyn akterlerdiń kimder ekeni belgili boldy, dep habarlaıdy QazAqparat «Qazaqfılm» kınostýdııasyna silteme jasap.
«Dostar, sizderge rejısser Aqan Sataevtyń «Uly dala tańy» fılminde basty rólde oınaıtyn akterlerdiń esimderin qýanyshpen habarlaımyz:
Qasym hannyń jas kezin Danııar Orazaev oınaıdy,
Eresek Qasym han - Berik Aıtjanov,
Jas Buryndyq han - Aıdos Abdykadyrov,
Eresek Buryndyq han - Erik Joljaqsynov.
Muhammed Shaıbanı - Nurlan Álimjanov.
Jahan begimniń jas kezin Altynaı Nógerbek,
Egde Jahan begimdi Shámshagúl Mendııarova oınaıdy.
Álı Rashıdtiń jas kezin - Qýanysh Qudaıbergen,
Eresek Álı Rashıdti – Tuńǵyshbaı Jamanqulov somdaıdy», delingen habarlamada.
Kınotýyndyny Qazaqstan Respýblıkasy Mádenıet jáne sport mınıstrliginiń tapsyrysy boıynsha «Qazaqfılm» kınostýdııasy túsiredi. Alǵashqy túsirilim jumystary 25 aqpanda Almaty oblysy Jarkent aýdany Kóktal aýylynyń mańynda bastaldy.
