«Qasym han» kınojobasynan 29 mln teńge jymqyrylǵan
«Almaty qalasynyń Ekonomıkalyq tergeý departamenti «Qazaqfılm» AQ «Qasym han» kınojobasy» fılıalynyń dırektory K.S.Ahmetovqa jáne basqa da adamdarǵa qatysty sotqa deıingi tergeý amaldaryn aıaqtady. Olar paıdakúnemdik maqsatta qyzmetin paıdalanyp, aldyn ala sóz baılasyp, iri kólemde bótenniń múlkin jymqyrǵan», - dep habarlaıdy QR QM Qarjy monıtrıngi komıtetinen.
Tergeý barysynda atalǵan adamdar bıýdjetten 29,9 mln teńge aqshany jymqyrǵany anyqtalǵan. Ol soma tarıhı serıaldy túsirý kezinde pırotehnıkany satyp alýǵa jumsalýy kerek bolǵan.
Sotqa deıingi tergep-tekserý barysynda kúdiktiler «Qazaqfılm» AQ-qa keltirilgen shyǵyndy tolyǵymen ótedi. Sot úkimimen iri kólemde aqsha jymqyrǵany úshin «Qazaqfılm» AQ «Qasym han» kınojobasy» fılıalynyń burynǵy dırektory 2 jylǵa bas bostandyǵynan aıyryldy. Al onyń eki sybaılasynyń 3 jylǵa deıin bas bostandyǵy shekteldi. Bul iske qatysty osy eki adam probatsııalyq baqylaýǵa ilinip, 100 saǵattyń májbúrli eńbekti óteýge mindetteldi.
Eske sala ketsek «Qazaqfılm» kınostýdııasy Qasym han týraly jańa tarıhı fılmniń túsire bastaıtyny byltyr qazan aıynda habarlanǵan edi. Rejısser Aqan Sataev bastaǵan shyǵarmashylyq top fılmdi túsirý jumystaryn 2021 jyldyń jeltoqsanynda aıaqtaý josparlap otyr.