Qasym Amanjolovtyń 100 jyldyǵyna arnalǵan poshta markasy shyǵaryldy
ALMATY. 14 shilde. QazAqparat /Názıra Eleýhan/ - Búginnen bastap elimizde qazaqtyń kórnekti aqyny Qasym Amanjolovtyń týǵanyna 100 jyl tolýyna arnalǵan poshta markasy aınalymǵa shyqty.
Qasym Amanjolov - qazaqtyń asa iri aqyndarynyń biri. Onyń kórkemdik-estetıkalyq deńgeıi joǵary, qazaq ádebıeti tarıhynda aıtýly orynǵa ıe shyǵarmashylyǵy, negizinen, poezııalyq týyndylardan turady. Aqynnyń ádebı mol murasyn 7-8 poemasy men alýan taqyryptaǵy lırıkalary quraıdy. Q.Amanjolov - kórkem aýdarma óneriniń de úzdik sheberi. Ol orys, batys pen shyǵys poezııasynyń klassıkalyq týyndylaryn: lırıkalyq óleńder men poema-dastandaryn qazaq tiline aýdardy. Onyń kóptegen shyǵarmalary men ánderi halyq arasynda tanymaldylyqqa ıe bolyp, qazaq mádenıetiniń altyn qoryna engen.
Markada Qasym Amanjolovtyń portreti beınelengen. Sýretshisi - Nıkolaı Sokolov. Markanyń jalpy tırajy 30 myń dana, kólemi- 33 h 27,5 mm. Marka «Belarýs baspa úıi» baspahanasynda basylǵan.
