Kastet, buryshty ballon jáne «elektroshokerler» sýyq qarýǵa jata ma
ASTANA. KAZINFORM – QR Іshki ister mınıstrligi resmı saýalymyzǵa joldaǵan jaýabynda birqatar quralǵa zańnamada qandaı baǵa berilgenin túsindirdi.
Mınıstrliktiń málimetinshe, kastet sýyq qarýǵa jatady jáne el aýmaǵynda onyń aınalymyna tyıym salynǵan. Tipti, QR Qylmystyq kodeksiniń 287-babymen qylmystyq jaýapkershilik qarastyrylǵan. Demek, kastet ustaǵandar «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» baby boıynsha jaýapqa tartylady.
– Jyl basynan beri kastetti paıdalanyp soqqy jasaýǵa baılanysty quqyq buzýshylyqtar tirkelgen joq, – dep habarlady ІІM.
Al buryshty ballon (kózge titirkendirgish gaz shashatyn ballon) – sýyq qarý emes, ózin-ózi qorǵaý quraly. Biraq ony zańsyz qoldanǵany úshin QR Ákimshilik quqyq buzýshylyq týraly kodeksiniń 485-baby («Qarýdy quqyqqa syıymsyz qoldaný») boıynsha ákimshilik jaza qarastyrylǵan. ІІM málimdeýinshe, bıyl mundaı faktiler tirkelgen joq.
– Budan bólek, «elektroshokerler» ózin-ózi qorǵaý quralyna jatady, olardy zańsyz qoldanǵany úshin QR Ákimshilik quqyq buzýshylyq týraly kodeksiniń 485-baby boıynsha ákimshilik jaýapkershilik kózdelgen. Bıyl elektroshokerdi qoldanýǵa baılanysty 1 fakt tirkeldi, – delingen resmı jaýapta.
Aıta keteıik, buǵan deıin Jambyl oblysynda 3,5 myńǵa jýyq pyshaq pen kastet tárkilengenin jazǵanbyz.
