Qastandyq jasaýdan Aýǵanstan Prezıdentiniń baýyry qaza tapty
ASTANA. 12 shilde. QazAqparat -Aýǵanstan Prezıdenti Hamıd Karzaıdyń baýyry Ahmed Ýálı Karzaı qastandyq saldarynan jaraqat aldy.
Reuters agenttigine silteme jasap RBK agenttiginiń habarlaýynsha, Ahmet Ýálı Karzaıǵa qastandyq onyń óz úıinde jasalǵan. Aýǵan basshysynyń baýyry alǵan jaraqattan kóz jumdy. Bul aqparatty Qandaǵar ýálaıatynyń gýbernatory Zalmaı Aıýbı men marqumnyń týystarynyń biri qýattady.
Amerıkandyq buqaralyq aqparat quraldarynyń aıtýynsha, Ahmed Ýálı Karzaı óńirdegi iri esirtki alpaýyttarynyń biri bolǵan kórinedi.
Aýǵan prezıdentiniń týysyna jasalǵan qastandyq Frantsııa Prezıdenti Nıkolıa Sarkozıdiń saparmen tustas oryn alǵanyn aıta ketý kerek. Bes saǵattyq saparynyń aıasynda Kabýlge at basyn tiregen N.Sarkozı, Aýǵanstan Prezıdentimen, amerıkandyq áskerı kúshterdiń qolbasshysy general Devıd Petreýspen jáne frantsýz áskerılerimen kezdesýler ótkizýdi josparlap otyr.
