Kastamoný resmı túrde túrki áleminiń mádenı astanasy atandy

ASTANA. QazAqparat - Túrkııanyń Kastamoný qalasynda «Kastamoný - túrki áleminiń mádenı astanasy» baǵdarlamasynyń saltanatty ashylý rásimi ótti, dep habarlaıdy QazAqparat TÚRKSOI baspasóz qyzmetine silteme jasap.

Kastamoný merııasy men TÚRKSOI uıymdastyrǵan merekelik keshke Túrkııa Respýblıkasynyń premer-mınıstri Bınalı Iyldyrym, premer-mınıstrdiń orynbasary Redjep Aktag, Túrkııa mádenıet jáne týrızm mınıstri Nýman Kýrtýlmýsh, TÚRKSOI uıymynyń bas hatshysy Dúısen Qaseıinov, Kastamoný provıntsııasynyń gýbernatory ıAshar Karadenız, Túrkııanyń uly jınalysy depýtattary, dıplomatııalyq mıssııa ókildikteri, qoǵamdyq uıym jáne BAQ ókilderi qatysty.

 

Bas hatshy Dúısen Qaseıinov óz sózinde Kastamoný turǵyndarynyń mádenı astana dárejesin maqtanyshpen qabyldaǵanyn, ejelgi tarıhy men baı mádenıeti bar qalanyń bul ataqqa laıyq ekenin atap ótti.

 

Saltanatty kesh merekelik kontsertke ulasty. Onda Ázerbaıjan, Qazaqstan, Qyrǵyzstan, Ózbekstan, Túrkııa, Túrkimenstan, Reseıdiń Altaı, Bashqurtstan, Saha, Daǵystan, Býrıatııa aımaqtarynan kelgen ártister men shyǵarmashylyq ujymdar óner kórsetti.

   

Kastamoný provıntsııasynyń gýbernatory ıAshar Karadenızdiń aıtýynsha, jyl sońyna deıin Kastamonýda ótetin sharalardyń barlyǵy qalanyń túrki álemindegi abyroıyn arttyra túspek.

          

Eske sala ketsek, qańtar aıynda Túrkııanyń Kastamoný qalasynda 2018 jylǵy Túrki dúnıesiniń mádenı astanasy bolyp jarııalanýyna baılanysty saltanatty shara ótken bolatyn.