Kassır qyz ózi jumys isteıtin saýda keshenine bomba qoıyldy dep eki ret qońyraý shalǵan
ASTANA. QazAqparat - Peterbordyń quqyq qorǵaý organdary «Mega Parnas» saýda keshenine bomba qoıyldy dep eki ret qońyraý shalǵan kúdiktini anyqtady.
Ol saýda keshenindegi dúkenderdiń biriniń qyzmetkeri bolyp shyqty.
Ótken demalys kúnderi polıtsııaǵa «Mega Parnasqa» mına qoıyldy degen sýyq habardy eki ret tekserýge týra keldi. Ekeýi de jalǵan bolyp shyqty. Osy habarlama boıynsha qylmystyq is qozǵaldy.
Muqııat izdeý jumystarynyń nátıjesinde kúdikti anyqtaldy. Ol osy saýda kesheni dúkenderiniń biriniń kassıri, 20 jastaǵy boıjetken bolyp shyqty. Ázilqoı qyz ustaldy. Eger onyń qylmysy dáleldense, úsh jylǵa deıin bas bostandyǵynan aıyrylýy múmkin, dep habarlaıdy piter.tv.
