Kásipqoı boksta álem chempıony bolǵym keledi – Ivan Dychko
ACTANA. KAZINFORM – Qazaqstandyq kásipqoı boksshy, asa aýyr salmaqtaǵy bylǵary qolǵap sheberi Ivan Dychko úlken sporttaǵy alǵashqy qadamyn Rýdnyı qalasyndaǵy shaǵyn zalda bastaǵan edi. Qazir belgili sportshy kásipqoı rıngte baq synap, halyqaralyq deńgeıde júldege ıe bolyp júr. Kazinform tilshisine ol kásipqoı bokstaǵy joly jáne aldaǵy maqsaty jóninde áńgimelep berdi.
- Ivan, boksqa qalaı keldińiz?
- Men 15 jasqa tolǵanymda dostarymmen birge zalǵa keldim. Sol ýaqytta Rýdnyıda bul jaqsy dástúrge aınalǵan edi. Barlyǵymyz bokspen aınalysýǵa den qoıdyq. Sodan beri sporttyń osy túrimen shuǵyldanyp kelemin. Aıta ketsem, meniń úlken eki aǵam bar. Olar da meniń tańdaýyma áser etken bolýy kerek.
- Alǵashqy bapkerińiz kim boldy?
- Jergilikti maman ıÝrıı Anatolevıch ıAnov - meniń birinshi bapkerim. Ol qazir de Rýdnyı qalasynda boks mektebinde eńbek etedi. Odan keıin Vladımır Ivanovıch Shaıer meniń jeke bapkerim retinde qyzmet atqardy. Bul maman meni Azııa chempıonaty, álem jáne Olımpıada oıyndarynda júldeli oryndarǵa deıin jetkizdi. Sol kisiniń jemisti eńbeginiń arqasynda áýesqoı boksta kóptegen jetistikti baǵyndyrdym.
- Mansabyńyzdaǵy eń jarqyn estelik retinde qandaı oqıǵany aıtar edińiz?
- Árıne, bul oraıda 2012 jylǵy Olımpıadany erekshe aıta alamyn. Bul - men úshin atalǵan dúbirli dodaǵa jasalǵan tájirıbe. Ony ómirdegi óte jarqyn, qyzyqty, mańyzdy oqıǵa dep sanaýǵa negiz bar.
- Sizdiń alǵashqy joǵary deńgeıdegi jekpe-jekterińiz qalaı ótti?
- Naqty aıtý qıyn. Shyn máninde birinshi ǵana emes ár jekpe-jek ońaı bolǵan joq. Árbir qarsylasyńa fızıkalyq, psıhologııalyq turǵyda daıyndalýyń kerek. Mańyzdy týrnırlerde ońaıǵa soǵatyn jekpe-jek bolmaıdy.
- Áýesqoı jáne kásipqoı bokstaǵy daıyndyqtyń basty aıyrmashylyǵy qandaı?
- Kásipqoı boksta basty nazaryńdy jalǵyz qarsylasqa burasyń. Onda bir ǵana jekpe-jek bolady. Al áýesqoı bokstaǵy týrnırge qatysý úshin birneshe kezdesýge kúsh salýyńa týra keledi. Olardyń oıyn kórsetý máneri ártúrli. Bul kezdesýler birneshe kúnge sozylady. Ekeýi múldem bólek, árqaısysynda basqa tásilge kóńil bólinedi.
- Nelikten kásipqoı boksqa aýysýǵa sheshim qabyldadyńyz?
- Bul áýesqoı bokstaǵy qadamyńdy qısyndy túrde aıaqtaýǵa múmkindik týǵyzady. Men áli de boksqa degen kúsh-jigerimniń sarqylmaǵanyn sezdim. Sol sebepti ary qaraı jalǵastyrýdy jón sanadym. Maqsatym - kásipqoı boksta bıikti baǵyndyrý, álem chempıony ataný. Bul - meniń armanym, sol joldaǵy jumysty jalǵastyryp, kóp jumys isteýim kerek. Kásibı sportta da ártúrli nátıje kezdesedi. Biraq ol qandaı bolsa da úlken nátıje sanalady. Sondyqtan kóp nárse úırenýiń kerek, sol arqyly alǵa qadam basýǵa bolady.
- Qazir qaı jerde jáne kimmen jattyǵyp júrsiz?
- Aldaǵy jekpe-jekke daıyndyq Pıttsbýrgte (Pensılvanııa, AQSh) áıgili jattyqtyrýshy Tom ıAnkellonyń basshylyǵymen ótkizilip jatyr. Ol - buryn kishi Roı Djons jáne ózge de tanymal chempıondarǵa jol ashqan bilikti maman. Sondaı-aq men Boxing Stars kompanııasynyń basqarý tobymen jumys isteımin.
- Bokstan tys hobbıińiz bar ma?
- Shynymdy aıtsam, basty hobbıim - ol meniń jumysym. Men ózim jaqsy kóretin nársemen aınalysqanyma qýanyshtymyn. Al qalǵan ýaqytta men ózgeler sekildi fılmder kóremin, oqımyn, ınternette bolamyn. Boksty, ásirese Rýdnyıdan kelgen balalardy jáne boks mektebiniń túlekterin qadaǵalap otyramyn.
Ivan Dychko - Qazaqstan Respýblıkasy eńbek sińirgen sport sheberi (2012), áýesqoı bokstaǵy Olımpıada oıyndarynyń qos dúrkin qola júldegeri (2012, 2016), úsh dúrkin álem chempıonatynyń júldegeri (2011, 2013, 2015), Azııa chempıony (2013), Inchhondaǵy Azııa oıyndarynyń chempıony (2014), Gýanchjoýdaǵy Azııa oıyndarynyń fınalısi (2010).
Bir aptadaı buryn qazaqstandyq boksshy Ivan Dychko jyldyq úzilisten keıin kásipqoı boksqa oraldy. Ol Vashıngtonda (AQSh) ótken kásipqoı boks keshinde basty jekpe-jekte amerıkalyq Semıýel Krossdpen qolǵap túıistirdi. Asa aýyr salmaqtaǵy kezdesý segiz raýndqa josparlandy. Jekpe-jek tehnıkalyq nokaýtpen birinshi raýndta qazaqstandyqtyń paıdasyna aıaqtaldy. Bul - Ivan Dychkonyń kásipqoı bokstaǵy 15-shi jeńisi (onyń 13-i nokaýt).