Kásipqoı boksshy Meıirim Nursultanovtyń kelesi qarsylasy kim bolýy múmkin
Ózbekstan astanasynda ótken kásipqoı boks keshinen soń qazaqstandyq bylǵary qolǵap sheberi Meıirim Nursultanov kelesi jekpe-jekti kimmen ótkizýi múmkin ekenin aıtty, dep habarlaıdy Kazinform.
Keshe Tashkenttegi Humo Arena-da aýqymdy kásipqoı boks keshi ótti. Onda otandasymyz Chılı ókili Hýlıo Alamospen judyryqtasyp, jeńiske jetti. Bul Meıirim Nursultanovtyń kásipqoı mansabyndaǵy jıyrmasynshy jekpe-jegi. Aıta keteıik, ol osy kezge deıingi kezdesýlerdiń barlyǵyn jeńispen aıaqtady.
«Jekpe-jekke az ýaqyt qalǵanda qarsylas ózgerdi. Tıisinshe, kezdesý qıyn boldy. Mende daıyndyqtyń barlyǵy nemis boksshysyna boldy. Qıyndyqtardyń bolǵany jekpe-jekte de kórindi. Qarsylasty zertteý úshin ýaqyt az boldy. Ózim sharshy alańǵa nokaýtqa túsiremin dep shyqpaımyn. Ol bir utymdy sát. Degenmen bul kezdesýde onyń oraıy bolmady», - dedi Kazinform tilshisiniń saýalyna jaýap bergen M.Nursultanov.
Ol sondaı-aq kelesi jekpe-jekti qandaı boksshyǵa qarsy ótkizýi múmkin ekenin aıtty.
«Biraz demalyp, keıin daıyndyqty bastaımyz. Djermall Charlo men Karlos Adamestiń qaısysy kelesi jekpe-jekke shyǵatynyn kútemiz. Men qazir orta salmaqta WBC belbeýine mindetti qarsylas bolyp turmyn. Barlyǵyn ýaqyt kórsetedi, biz daıynbyz», - dep túıindedi qazaqstandyq kásipqoı boksshy.
Aıta ketsek, qazir WBC tujyrymdamasynda orta salmaq boıynsha chempıondyq ataq amerıkalyq bylǵary qolǵap sheberi Djermell Charlonyń enshisinde.
