09:10, 15 Qyrkúıek 2024 | GMT +6
Kásipqoı boksshy Bek Nurmaǵanbet qarsylasyn nokaýtpen jeńdi
ASTANA. KAZINFORM — Qazaqstandyq boksshy Bek Nurmaǵanbet amerıkalyq Djoshýa Konlımen (17-7-1, 11 KO) jekpe-jekti ekinshi raýndta tehnıkalyq nokaýtpen aıaqtady.
26 jastaǵy Bek úshin bul — kásipqoı bokstaǵy 12-shi jeńis.
Onyń ishinde 11-inde qarsylasyn osylaı merziminen buryn jer jastandyryp otyr.
Qazaqstandyq boksshy Kanelo men Berlang boks keshiniń anderkartyn ashty, biraq jekpe-jek YouTube tikeleı efırinde kórsetilmedi.
Saýl Alvares «Kanelo» men Edgar Berlang aıqasy áli bolyp jatyr. Ony myna siltemeden tamashalaýǵa bolady.
Aıta keteıik, munyń aldynda Bek Nurmaǵanbettiń álemdik reıtıngide joǵarylaǵanyn habarlaǵan edik.
Bek byltyr AQSh-ta ótken taǵy bir jekpe-jeginde nokaýtpen jeńgen.
