Kásipqoı boks: Jánibek Álimhanuly qarsylasyn nokaýtpen jeńdi
ASTANA. KAZINFORM — Orta salmaqta WBO jáne IBF nusqasy boıynsha álem chempıony, qazaqstandyq kásipqoı boksshy Jánibek Álimhanuly (16-0, 11KO) Astanada ótip jatqan «Battle of the Brave» boks keshiniń basty jekpe-jeginde óner kórsetti.
12 raýndqa josparlanǵan aıqasta otandasymyz frantsııalyq Anaýel Ngamıssıngemen (14-0, 9 KO) judyryqtasty.
Alǵashqy raýndtyń sońǵy sekýndynda qazaqstandyq boksshy qarsylasyna týra soqqy baǵyttap, nokdaýnǵa túsirdi.
Osydan keıin, otandasymyz sharshy alańda erkin qımyldap, óz mánerinde bokstasty. Jánibek ár raýnd saıyn shabýyldy údetip, qarsylasyna dál soqqylaryn darytty.
Besinshi raýndta frantsııalyq boksshy Jánibektiń aýyr soqqysynan shalqalaı qulady. Tóreshi esep ashyp, jekpe-jekti merziminen buryn aıaqtatty.
Osylaısha, Jánibek Álimhanuly kásipqoı mansabynda 17-shi ret jeńiske jetip, qos chempıondyq beldigin sátti qorǵady.
Aıqastan keıin, Jánibek barlyq qazaqstandyqqa alǵysyn aıtty.
Aıta keteıik, osyǵan deıin Sultan Zaýrbek (19-0, 13 KO) kásipqoı mansabynda 20-shy jekpe-jeginde jeńiske jetkenin jazǵan edik.