Kásipqoı boks: Sáken Bıbosynov Bishkekte jekpe-jek ótkizedi

ASTANA. KAZINFORM – Bokstan álem chempıony jáne Olımpıada oıyndarynyń qola júldegeri Sáken Bıbosynov Qyrǵyzstan astanasy Bishkek qalasynda ótetin kásipqoı boks keshinde sharshy alańǵa shyǵady.

Kásipqoı boks keshin japonıalyq Saikou X Lush promoýterlik kompanııasy Azııadaǵy Búkilálemdik boks assotsıatsııasy (WBA Asia) jáne Halqaralyq boks federatsııasynyń (IBF) qoldaýy aıasynda uıymdastyrady. 

Aıta keterligi, boks keshinde Qyrǵyzstan jáne Japonııa boksshylary óner kórsetedi. Sondaı-aq qazaqstandyq boksshy Sáken Bıbosynov jáne ózbekstandyq Hasanboı Dýsmatov sharshy alańǵa shyǵady.

Qazirge boksshylardyń naqty qarsylastary anyqtalǵan joq. Boks keshi 25-26 qazan kúni Bishkek Arenada ótedi. 

Eske salsaq, Sáken Bıbosynov 20 shilde kúni kásipqoı bokstaǵy alǵashqy jekpe-jegin ótkizip, fılıppındik 23-jastaǵy Krıstıan Legandy (6-2-3, 4 KO) nokaýtqa jibergen bolatyn.