Kásipqoı boks: Sadrıddın Ahmedov eki jyl úzilisten keıin rıngke oralady

ASTANA. KAZINFORM — Qazaqstandyq kásipqoı boksshy Sadrıddın Ahmedov (13-0,11KO) eki jylǵa sozylǵan úzilisten keıin rıngke oralady.

BoxRec portalyndaǵy aqparatqa sáıkes, Ahmedov 31 tamyz kúni Amerıkanyń Santa Ines qalasynda ótetin kásipqoı boks keshinde sharshy alańǵa oralyp, jergilikti boksshy Antonıo Toddpen (17-10,9KO) qolǵap túıistiredi. 

Jekpe-jek 8 raýndqa josparlanǵan.

Aıta keterligi, Sadrıddın Ahmedov sońǵy aıqasyn eki jyl buryn Almaty qalasynda ótkizip, Ońtústik Afrıkalyq boksshy Nkýlýleko Mhlongony alǵashqy raýndta jeńgen.

Sadrıddın Ahmedov - 2016 jylǵy jastar arasynda bokstan álem chempıony. Ol 2018 jyly kásipqoı boksqa aýysyp, Kanadada alǵashqy jekpe-jegin ótkizdi. 13 aıqasynda, qazaqstandyq boksshy sýper jartylaı orta salmaqta WBC Youth World, WBC Asian, NABF jáne WBC Francophone chempıondyq tıtýldaryn ıelendi.