Kásipqoı boks: «Qazaq jaýyngeri» Azııa chempıony atandy
ASTANA. KAZINFORM – Kásipqoı boksta «Qazaq jaýyngeri» laqap atymen óner kórsetip júrgen qazaqstandyq kásipqoı boksshy Elshat Nyǵmetolla (20-0-1, 7KO) kezekti jekpe-jeginde jeńiske jetti.
Qazaqstandyq boksshy Taıland astanasy Bangkok qalasynda ótken kásipqoı boks keshinde sharshy alańǵa shyǵyp, ındonezııalyq Flasıdýs Nýnony (10-1-2, 8KO) nokaýtqa jiberip, asa jeńil salmaqtaǵy WBA Asia tıtýlyn jeńip aldy.
Aıta keterligi, Elshat Nyǵmetolla kásipqoı boksta 2019 jyldan bastap Qazaqstannyń namysyn qoǵap júr. Sýper jeńil salmaqta álemdik reıtıngide 37-orynda tur.
31 jastaǵy sportshy 2014 jyly kásipqoı boksqa aýysyp, 2016 jyly WBO tujyrymy boıynsha Qytaı chempıony, 2018 jyly WBC tujyrymy boıynsha Azııa chempıony atanǵan bolatyn.
Eske salsaq, «Qazaq jaýyngeri» ótken jyly 21 qyrkúıekte Almatyda ótetin kásipqoı boks keshinde tanzanııalyq boksshy Mýhsın Kızotany (20-5-0, 12KO) úshinshi raýndta nokaýtqa jiberdi.