Kásipqoı boks: Ivan Dychkonyń kezekti qarsylasy anyqtaldy
ASTANA.KAZINFORM – Olımpıada oıyndarynyń eki dúrkin juldegeri Ivan Dychko maýsym aıynda kásipqoı reıngke qaıta oralady.
Asa aýyr salmaqta judyryqtasatyn qazaqstandyq boksshy UFC basshysy Dana Ýaıt negizin qalaǵan Zuffa Boxing lıgasynda alǵashqy jekpe-jegin ótkizýge múmkindik alyp otyr.
Kásipqoı boks keshi 6 maýsym kúni Anglııanyń Bournemouth International Centre kesheninde ótedi. Otandasymyzdyń qarsylasy – jergilikti boksshy Harvı Daıks.
Aıta keterligi, 35 jastaǵy Ivan Dychko sońǵy ret sharshy alańda ótken jyly 13 qyrkúıek amerıkalyq boksshy Djermeın Franklınmen bokstasyp, upaı aıyrmashylyǵymen jeńilip qalǵan bolatyn.
30 jastaǵy Harvı Daıks kásipqoı mansabynda 7 jekpe-jek ótkizip, eshqaısysynda jeńilip kórmegen.
Osyǵan deıin habarlaǵanymyzdaı, qazaqstandyq boksshy Danııar Eleýsinov pen Ivan Dychko aqpan aıynda Zuffa Boxing lıgasymen kelisimshartqa qol qoıǵan bolatyn.
