Kásipqoı boks: Batyr Júkembaev qarsylasynan basym tústi
ASTANA. KAZINFORM — Qazaqstandyq kásipqoı boksshy Batyr Júkembaev (23-1, 17 KO) Astanada ótip jatqan «Battle of the Brave» boks keshinde kezekti jekpe-jegin ótkizdi.
Birinshi orta salmaqta judyryqtasatyn qazaqstandyq boksshy ulybrıtanııalyq Keın Gardnermen (17-4, 7 KO) sheberlik baıqasty.
Jekpe-jek 10 raýndqa sozylyp, Batyr Júkembaev tóreshilerdiń bir aýyz sheshimimen jeńiske laıyq dep tanyldy.
Osylaısha, otandasymyz kásipqoı mansabynda 24-ret jeńiske jetti.
Osyǵan deıin habarlaǵanymyzdaı, búgin «Barys Arena» muz saraıynda otandyq jáne sheteldik boks juldyzdarynyń qatysýymen úlken tarıhı boks keshi ótip jatyr.
Keshtiń basty jekpe-jeginde el tarıhynda alǵash ret IBF jáne WBO tujyrymy boıynsha orta salmaqtaǵy álem chempıony Jánibek Álimhanuly (16-0, 11 KO) óz belbeýin Frantsııadan kelgen úmitker Anaýel Ngamıssıngege (14-0, 9 KO) qarsy qorǵaıdy.