Kásipqoı boks: Balaýsa Muzdyman tóreshiler sheshimimen jeńiske jetti
ASTANA. KAZINFORM - Kásipqoı bokstan el namysyn qorǵap júrgen Balaýsa Muzdyman (6-0, 5 KO) Astanada ótip jatqan «Battle of the Brave» boks keshinde sharshy alańǵa shyqty.
Áıelder arasynda jeńil salmaqtaǵy aıqas 2 mınýttan 8 raýndqa josparlanǵan. Otandasymyz fılıppındyq Marııa Tereza Pınılımen (7-1, 2 KO) qolǵap túıistirdi.
Balaýsa aıqas barysynda birinshi nómerde judyryqtasyp, qarsylasyna qysym kórsete bildi. Qortyndysynda qazaqstandyq boksshy qyz tóreshilerdiń bir aýyz sheshimimen jeńiske jetti.
Aıta keterligi, bul — Balaýsa Muzdymannyń kásipqoı bokstaǵy jetinshi jeńisi.
Osyǵan deıin habarlaǵanymyzdaı, búgin «Barys Arena» muz saraıynda otandyq jáne sheteldik boks juldyzdarynyń qatysýymen úlken tarıhı boks keshi ótip jatyr.
Keshtiń basty jekpe-jeginde el tarıhynda alǵash ret IBF jáne WBO tujyrymy boıynsha orta salmaqtaǵy álem chempıony Jánibek Álimhanuly (16-0, 11 KO) óz belbeýin Frantsııadan kelgen úmitker Anaýel Ngamıssıngege (14-0, 9 KO) qarsy qorǵaıdy.
Buǵan deıin qazaqstandyq kásipqoı boksshy Álisher Ábdýálimniń (3-0, 2 KO) úndistandyq qarsylasynan basym túskenin, sonymen qatar Tórehan Sabyrhan kásipqoı bokstaǵy debıýtin sátti bastaǵanyn habarlaǵan edik.