Kásipqoı boks: Álisher Ábdýálim úndistandyq qarsylasynan basym tústi
ASTANA.KAZINFORM - Qazaqstandyq kásipqoı boksshy Álisher Ábdýálim (3-0, 2 KO) kezekti jekpe-jeginde jeńiske jetti.
Otandasymyz Astanada ótip jatqan «Battle of the Brave» kásipqoı boks keshinde sharshy alańǵa shyǵyp, Úndistan ókili Ashısh Chaýdharımen (3-0, 0 KO) qolǵap túıistirdi.
Tórt raýndqa sozylǵan aıqasta, otandasymyz aıqyn basymdylyq tanytyp, biraýyzdan tóreshilerdiń sheshimimen 40-36 esebimen jeńiske jetti. Osylaısha, Álisher kásipqoı mansabynda tórtinshi ret jeńiske jetse, qarsylasy alǵash ret jeńilis tapty.
Eske sala ketsek, Jánibek Álimhanuly 5 sáýir kúni Astana qalasynda kezekti jekpe-jegin ótkizip, chempıondyq beldikterin qorǵaıdy.
Osyǵan deıin habarlaǵanymyzdaı, boks keshinde Balaýsa Muzdyman, aǵaıyndy Sabyrhandar, Batyr Júkembaev, Sultan Zaýrbek, Bahodır Jalolov jáne Otabek Holmatov qatarly boksshylar sharshy alańǵa shyǵady.