Kásipkerlik sýbektilerin akkredıtteýge ótinish pen qujat qabyldaý bastaldy

ASTANA. KAZINFORM – QR Tótenshe jaǵdaılar mınıstrligi jeke kásipkerlik sýbektileriniń birlestikterin jáne ózge de kommertsııalyq emes uıymdardy kásipkerlik máseleleri jónindegi saraptamalyq keńesterde jeke kásipkerlik sýbektileriniń múddelerin bildirýge akkredıtteýdi júrgizýge ótinishter men qujattardy qabyldaýdyń bastalǵany týraly habarlady.

Qazaqstan Respýblıkasy Ulttyq ekonomıka mınıstriniń 2023 jylǵy 29 maýsymdaǵy № 127 buıryǵymen bekitilgen Jeke kásipkerlik sýbektileri birlestikterin jáne ózge de kommertsııalyq emes uıymdardy akkredıtteýdi júrgizý tártibi, akkredıtteýdi júrgizý qaǵıdalarynda, onyń ishinde akkredıtteý týraly kýáliktiń nysanynda, jeke kásipkerlik sýbektileri birlestikterin jáne ózge de kommertsııalyq emes uıymdardy akkredıtteýdiń negizderi men kúshin joıý tártibi aıqyndalǵan.

Akkredıtteýdi alý úshin ótinish berýshi Mınıstrlikke elektrondyq nysanda:

1) qaǵıdalarǵa 2-qosymshaǵa sáıkes nysan boıynsha ótinish;

2) quryltaı qujattarynyń jáne zańdy tulǵanyń, fılıaldyń (ókildiktiń) qazaq jáne orys tilderinde memlekettik (eseptik) tirkelgenin (qaıta tirkelgenin) rastaıtyn qujattardyń elektrondyq kóshirmeleri;

3) bıznes-sáıkestendirý nómiri kórsetilgen birlestik jáne/nemese uıym músheleriniń tizimin usynady.

Akkredıtteý týraly kýálikti merzimsiz negizde alý úshin ótinish berýshi memlekettik organdarda qatarynan eki retten artyq akkredıtteýdi rastaıtyn jeke kásipkerlik sýbektilerin jáne ózge de kommertsııalyq emes uıymdardy akkredıtteý týraly kýálikterdiń kóshirmelerin usynady.

Mınıstrlikte akkredıtteýge úmitker birlestikter men uıymdar Qaǵıdalardyń 8-tarmaǵynda kózdelgen qujattar toptamasyn habarlandyrý jarııalanǵan kúnnen bastap on jumys kúni ishinde mynadaı mekenjaı boıynsha bere alady:

Astana qalasy, Máńgilik el dańǵyly, 8 podezd 2, kab. 705/1, elektrondyq poshta: [e-mail].

anyqtama úshin telefon: [phone].

Almatynyń kásipkerlik sýbektilerinen eki jylda 2017 zańsyz ónim tárkilengenin jazǵan bolatynbyz.