Kásipkerlerge kedergi keltirgen 30 monopolıst jaýapqa tartyldy
ASTANA.KAZINFORM — Prokýrorlar kásipkerlerge ákimshilik kedergi keltirgen 30 tabıǵı monopolııa sýbektisin anyqtap, olardy jaýapqa tartty. Salynǵan aıyppuldardyń jalpy somasy 23 mln teńgeden asty. Bul týraly Bas prokýratýra málim etti.
Bıznestiń damýy ashyq ári túsinikti qaǵıdalardan bastalady. Alaıda prokýrorlar júrgizgen tekserý jekelegen tabıǵı monopolııa sýbektileriniń kásipkerler men ınvestorlarǵa ákimshilik kedergiler jasaǵanyn kórsetti.
Prokýrorlar Bas prokýratýranyń Investorlardyń quqyqtaryn qorǵaý komıtetimen birlesip tabıǵı monopolııa sýbektileriniń qyzmet kórsetý kezinde zańnama talaptaryn saqtaýyna taldaý júrgizdi.
Kásipkerlerdiń ótinishterin qaraý merzimderin buzý, ınjenerlik jelilerge qosylýǵa tehnıkalyq sharttar berýden negizsiz bas tartý jáne bos qýattar týraly aqparatty jasyrý faktileri anyqtaldy.
— Prokýrorlyq qadaǵalaý aktileri boıynsha 30 tabıǵı monopolııa sýbektisi ákimshilik jaýaptylyqqa tartylyp, salynǵan aıyppuldardyń jalpy somasy 23 mln teńgeden asty, — delingengen habarlamada.
Bıznes pen ınvestorlardyń quqyqtaryn qorǵaý erekshe baqylaýda.
Aıta keteıik, buǵan deıin Qyzylordada eseptegishterdi tekserý salasyndaǵy monopolııalyq áreket toqtatyldy.
