Kásipkerlerge arnalǵan grant baǵdarlamasyn jarnamalaǵan qyzylorlalyq 3,5 jylǵa sottaldy
QYZYLORDA. KAZINFORM — Qyzylorda qalasynyń № 2 soty birneshe ret jasalǵan alaıaqtyqqa qatysty qylmystyq isti qarady.
Sottalýshy grant jáne nesıe baǵdarlamalaryn jarnamalap, adamdardyń senimine kirgen.
— Jábirlenýshiden kásipkerlerge arnalǵan grant baǵdarlamasy úshin 2 mln teńgeden astam aqshasyn aldap aýdartyp, jeke bas paıdasyna jaratqan. Sottalýshy óziniń qylmystyq áreketin jalǵastyryp, taǵy bir jábirlenýshige atalǵan baǵdarlamalar týraly jalǵan aıtyp, sózine sendiredi. Nátıjesinde 1 mln 400 myń teńgeni aldap aýdartyp alǵan. Basty sot talqylaýynda sottalýshy ózine taǵylǵan aıypty moıyndap, jábirlenýshilerden keshirim surady. Jábirlenýshiler materıaldyq zııan ótelmegendikten keshirim bermeıtinin kórsetken, — delingen sot habarlamasynda.
Sot úkimimen sottalýshy Qylmystyq kodekstiń 190-babynyń 3-bóliginiń 4- tarmaǵymen kináli dep tanyldy. Oǵan túpkilikti 3 jyl 6 aı merzimge bas bostandyǵynan aıyrý jazasy taǵaıyndaldy. Azamattyq talap qoıý boıynsha jábirlenýshilerge shyǵyn óndirildi.
Al jyl basynan beri 5 qarjylyq pıramıdanyń joly kesilip, tergep-tekserý barysynda jábirlenýshilerge keltirilgen zalal somasy 59 mln teńgeden asty.
