Kásipkerdiń 11 vagonyn zańsyz ustaǵan quqyq qorǵaý organy mamandary jaýapqa tartyldy
Shymkent kólik prokýratýrasy kásipkerlerdiń quqyqtaryn qorǵaý jónindegi mobıldi toby júrgizgen tekserýlerdiń birinde stantsııalyq temirjolda 11 vagon-tsısternanyń zańsyz ustalǵanyn anyqtady, dep habarlaıdy Kazinform.
Baqylaýshy vedomstvodan jazǵandaı, quqyq qorǵaý organy qylmystyq is júrgizý zańnamasynyń normalaryn buza otyryp, taýarlarǵa quqyq belgileıtin qujattardy elemeı (munaı ónimderine qatysty «nafta» suıyqtyǵy emes ekendigi naqty kórsetilgen) tekserý sharalaryn júrgizgen.
«QTJ» AQ kásipkerge 800 myń teńgeden astam vagondar bos turǵany úshin tólem shotyn jiberdi.
Kórsetilgen kútpegen májbúrli shyǵyndardan basqa, adal kásipker óziniń sharttyq mindettemeleri boıynsha taýardy jetkizý merzimin buzý saldarynan eleýli materıaldyq shyǵynǵa ushyrady, sondaı-aq iskerlik bedelin de túsirgen», — dep jazdy prokýratýradan.
Prokýrorlyq sharalar qabyldanǵannan keıin ǵana kásipkerdiń taýarlary óz baǵyty boıynsha júrdi, quqyq qorǵaý organynyń kináli qyzmetkerleri tártiptik jaýapkershilikke tartyldy.
Sonymen birge is júrgizý sheshimin qabyldaý úshin olarǵa qatysty materıaldar sybaılas jemqorlyqqa qarsy qyzmetke jiberildi.
