Kásipkerden asa iri mólsherde aqsha bopsalaǵan G. Satybaldyǵa qatysty is sotqa joldandy

ASTANA. KAZINFORM – QR Sybaılas jemqorlyqqa qarsy is-qımyl agenttigi G.Satybaldy men basqa da adamdarǵa qatysty kásipkerdi zańsyz bas bostandyǵynan aıyrý, asa iri mólsherde bopsalaý jáne aýyr zardaptarǵa ákep soqqan zańsyz áreketter boıynsha tergeýdi aıaqtady.

Agenttiktiń baspasóz qyzmetiniń habarlaýnysha, qazirgi ýaqytta protseske qatysýshylar qylmystyq is materıaldarymen tanysýdy aıaqtady.

Almaty qalasy tergeý sotynyń sanktsııasymen G. Satybaldyǵa qatysty «qamaýda ustaý» túrindegi bultartpaý sharasy tańdaldy.

Qylmystyq is máni boıynsha qaraý úshin Almaty qalasynyń mamandandyrylǵan aýdanaralyq qylmystyq sotyna joldandy.

Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.

«Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi»,-delingen habarlamada.