Kásipker zańsyz tergelgen jyldar úshin 40 mln teńge óndirip aldy
ASTANA. KAZINFORM – Aqmola oblysynyń soty úsh jyl boıy qamaýda jáne úıqamaqta bolǵan, keıin qylmys quramy bolmaǵandyqtan jabylǵan is boıynsha óńir turǵynynyń ótinishin qanaǵattandyrdy. Óndirilgen qarjy 39,8 mln teńgeni qurady.
Sottyń baspasóz qyzmetiniń habarlaýynsha, shaǵymdanýshy JShS-nyń jetekshisi ári sharýa qojalyǵynyń ıesi materıaldyq shyǵyndy, joǵaltqan jalaqysyn, moraldyq zııandy ótep alyp, polıtsııa qyzmetkerlerin BAQ arqyly keshirim suratqysy kelgen.
Aıyptaýshy QR Qarjy mınstrligi men polıtsııa departamenti boldy.
Іs materıaldary boıynsha 2019 jyldyń qazanynda el azamatyna qatysty uıymdasqan qylmystyq top quryp, múlik urlady degen aıyp boıynsha tergeý bastalǵan. 2020 jyldyń qyrkúıegi men 2023 jyldyń shildesinde ol qamaýda jáne úıqamaqta bolǵan.
Aıyptalýshy zańsyz qylmystyq qýdalaýǵa baılanysty óziniń bıznesin júrgize almaı, kirisinen aıyrylǵanyn aıtqan. Al onyń JShS-sy 2021 jyly bankrot dep tabylǵan.
Sonymen qatar 2023 jyly jer paıdalaný quqyǵynan aıyrylǵan.
Birinshi deńgeıdegi sot onyń shaǵymyn ishinara qanaǵattandyrdy. ıAǵnı advokat qyzmeti úshin 14 mln teńge, joǵaltqan jalaqysy úshin 16,8 mln teńge jáne moraldyq zııan úshin 9 mln teńge óndirip berdi.
Osyǵan deıin Almaty áýejaıynda kepilge alý isi boıynsha sot qaıta bastalǵany týraly jazdyq.