Kásipker organıkalyq ónim eksporttaıtyn fermerlerdiń logıstıkalyq shyǵynyn sýbsıdııalaýdy surady

ASTANA. KAZINFORM — Sáken Seıfýllın atyndaǵy Qazaq agrotehnıkalyq ýnıversıtetiniń ǵylym jáne ınnovatsııa jónindegi prorektory Erjan Syrǵalıev Májiliste ótip jatqan taqyryptyq otyrysta «Dıqanshy» JShS ókili Stanıslav Izmodenov organıkalyq taýar eksporttaýda kezdesetin kedergilerdi atady.

— Bizdiń organıkalyq ónimder sapasy jóninen eýropalyq ónimdermen básekelese alatynyna qaramastan, logıstıka jaǵy álsiz bolyp tur. Qazir Qazaqstan Aýǵanstan, Iran, Qytaı baǵytyndaǵy logıstıkaǵa, ári qaraı sý jolymen tasymaldaýǵa sýbsıdııa bólip otyr. Biraq Eýropa baǵytynda sýbsıdııa qarastyrylmaǵan, — dedi ol.

Kásipker Eýropaǵa ónim jetkizýdiń ózindik quny artyp jatqanyn aıtady.

— Eýropaǵa organıkalyq ónim eksportyn ulǵaıtqymyz kelse, tym bolmaǵanda logıstıkalyq shyǵandardyń bir bóligin ótep berýimiz kerek, — dedi Stanıslav Izmodenov.

Buǵan deıin el óńirlerinde tartylǵan et baǵasy qansha ekenin jazǵan edik.