Kásipker Almas Ábdiǵapparovtyń jazasyn óteý tártibi ózgerdi
ALMATY. KAZINFORM – Sot kásipker Almas Ábdiǵapparovtyń jazasyn óteý tártibin ózgertti.
Ol ortasha qaýipsizdigi ortasha kolonııadan qonys kolonııasyna aýystyryldy.
– Almaty oblysy Alataý qalalyq sotynyń 2025 jylǵy 9 jeltoqsandaǵy qaýlysymen sottalǵan Ábdiǵapparov Almas Altaıulynyń ortasha qaýipsizdik mekemesinen eń tómengi qaýipsizdik mekemesine aýystyrý týraly ótinishhaty qanaǵattandyryldy. Almaty oblystyq soty apellıatsııalyq satysynyń 2025 jylǵy 29 jeltoqsandaǵy qaýlysymen bul sheshim ózgerissiz qaldyryldy, prokýrordyń jeke ótinishhaty qanaǵattandyrylǵan joq, - dep habarlady sottyń baspasóz qyzmeti.
Sot aktisi zańdy kúshine endi.
Eske salaıyq, kásipker 2022 jyly shildede 1 mln dollardy jymqyrǵany úshin kináli dep tanylǵan.
Sottalýshynyń qylmystyq áreketterinen «AV-Construction» JShS-ne 418 640 000 teńge kóleminde materıaldyq zalal kelgen. Sot otyrysynda aıyptalýshy ózine taǵylǵan aıyp boıynsha kinásin moıyndamaǵan.
Keıinirek Bas prokýratýra Almas Ábdiǵapparovqa qatysty úkimniń kúshin joıýdy surady.