Kaspııge quıylyp jatqan qara suıyqtyqqa qatysty synamalar alyndy
NUR-SULTAN. QazAqparat – Kaspıı teńizine qara suıyqtyqtyń tógilý faktisi boıynsha EcoMedia telegram kanalynda túsinik berildi, dep habarlaıdy QazAqparat.
«Mańǵystaý oblysy boıynsha Ekologııa departamenti osy fakti boıynsha jedel áreket etý maqsatynda «MAEK-Qazatomónerkásip» JShS-ge tıesili JEO-1 aýmaǵyna bardy. Tekserý barysynda atmosferalyq aýa synamalary alyndy, olar shekten shyǵý faktisin kórsetpedi. Sondaı-aq, sý jınaý kanalynyń sý synamalary alyndy, onyń nátıjeleri qazirgi ýaqytta anyqtalyp jatyr», - delingen málimdemede.
Departament ruqsat berý qujattarynyń bolýyn anyqtaıdy.
«Sý synamalaryn taldaý nátıjeleri boıynsha qoldanystaǵy zańnamalarǵa sáıkes sharalar qabyldanatyn bolady», - dep tolyqtyrady vedomstvo.
Eske salsaq, «MAEK-Qazatomónerkásip» Kaspııge aǵyp jatqan qara suıyqtyq qaýipti emestigin málim etken bolatyn.
