Kaspııdiń sý deńgeıi tómendep barady: Mańǵystaýda halyqaralyq joba tanystyryldy
ASTANA. KAZINFORM — Kaspıı teńizi deńgeıiniń tómendeýi men ekojúıesine tóngen qaýipterdi zertteýge baǵyttalǵan halyqaralyq joba Mańǵystaýda tanystyryldy. Joba aıasynda teńizdiń sý teńgerimi, bıoalýantúrliligi men jaǵalaý aýmaqtarynyń turaqtylyǵy zerttelip, ekologııalyq bastamalarǵa grant bólý tetigi qarastyrylǵan. Bul týraly oblys ákimdigi málim etti.
Búgin Mańǵystaý oblysynda Kaspıı teńiziniń ekologııalyq jaǵdaıy men ony saqtaýǵa baǵyttalǵan halyqaralyq yntymaqtastyq máseleleri talqylanǵan joǵary deńgeıdegi dıalog ótti.
Іs-shara barysynda BUU Damý baǵdarlamasy Japonııa Úkimetiniń qarjylaı qoldaýymen júzege asyryp jatqan «Kaspıı teńizi deńgeıiniń tómendeýi jaǵdaıyndaǵy turaqtylyqty arttyrý» jobasy tanystyryldy.
Kezdesýde Kaspıı teńizi deńgeıiniń tómendeýi, klımattyń ózgerýi, teńiz sýynyń lastanýy jáne bıoalýantúrliliktiń azaıýy negizgi máseleler retinde qaraldy. Bul úderister jaǵalaý aýmaqtaryna, ınfraqurylymǵa, óńir ekonomıkasy men turǵyndardyń ál-aýqatyna tikeleı áser etedi.
Joba aıasynda Kaspııdiń sý teńgerimi men teńiz deńgeıiniń ózgerýin zertteý, bıoalýantúrlilik pen teńiz ortasynyń jaǵdaıyn baǵalaý, sondaı-aq jaǵalaý aýmaqtarynyń turaqtylyǵyn zerdeleý kózdelgen. Sonymen qatar ekologııalyq bastamalardy qoldaýǵa baǵyttalǵan granttyq tetik qarastyrylǵan.
Jıynda ǵylymı derekter men tsıfrlyq tehnologııalardy qoldaný máselesine de erekshe nazar aýdaryldy. Atap aıtqanda, Kaspıı teńizine qatysty derekterdi ákimniń tsıfrlyq kabıneti arqyly aýmaqtyq josparlaý júıesine yqpaldastyrý múmkindikteri tanystyryldy. Bul óńirdi damytý jáne ınvestıtsııalyq jobalardy josparlaý kezinde ekologııalyq táýekelderdi eskerýge múmkindik beredi.
Mańǵystaý oblysy ákiminiń birinshi orynbasary Erbol Іzbergenov Kaspııdi saqtaý memleket, halyqaralyq uıymdar, ǵylymı qaýymdastyq jáne azamattyq qoǵamnyń birlesken is-qımylyn qajet etetinin atap ótti.
— Kaspıı teńizi — Mańǵystaýdyń ekonomıkalyq, áleýmettik jáne ekologııalyq damýynyń mańyzdy bóligi. Onyń jaǵdaıy turǵyndardyń turmysy men óńirdiń bolashaǵyna tikeleı áser etedi. Búgingi dıalogtyń basty nátıjesi Kaspııdiń ekologııalyq turaqtylyǵyn qamtamasyz etýge baǵyttalǵan naqty praktıkalyq qadamdar bolýy tıis, — dedi Erbol Іzbergenov.
Іs-sharaǵa QR Ekologııa jáne tabıǵı resýrstar mınıstri Álibek Qýantyrov, Mańǵystaý oblysy ákiminiń birinshi orynbasary Erbol Izbergenov, BUU-nyń Qazaqstandaǵy Turaqty úılestirýshisi Sarango Radnaragcha, BUU Damý baǵdarlamasynyń Qazaqstandaǵy Turaqty ókili Katarjına Vavernıa, Japonııanyń Qazaqstandaǵy Tótenshe jáne Ókiletti Elshisi ıAsýmasa Iıdzıma, memlekettik organdardyń, dıplomatııalyq mıssııalardyń, halyqaralyq uıymdar men ǵylymı qaýymdastyqtyń ókilderi, ekologtar, eriktiler jáne qoǵamdyq uıym músheleri qatysty.
Jumys saraptamalyq sessııalar aıasynda jalǵasyp, onda jobany iske asyrýdyń naqty tetikteri, ekologııalyq bastamalardy qoldaý jáne Kaspıı teńiziniń ekojúıesin saqtaý boıynsha aldaǵy birlesken qadamdar talqylanady.
