Kaspııdiń soltústiginde navıgatsııa jabyldy

ASTANA. QazAqparat - Kaspıı teńiziniń Qazaqstan sektory aıdynynyń soltústik bóliginde Áskerı-teńiz kúshteriniń Gıdrografııalyq qyzmeti navıgatsııalyq kezeńdi japty, dep habarlaıdy «QazAqparat» HAA QR Qorǵanys mınıstrliginiń baspasóz qyzmetine silteme jasap.

«Jaıyq» gıdrografııalyq kemesi sý betindegi qalqyma belgiler men mejelerdi jınap aldy. Bul Kaspıı teńiziniń Qazaqstan sektory akvatorııasyndaǵy temperatýranyń tómendeýimen baılanysty.

Aıta keteıik, Kaspııde navıgatsııanyń jabylýy qys mezgilinde, eń aldymen, aýa raıynyń qolaısyz bolyp, muz qatqan kezde, sondaı-aq kemelerdiń júrýine basqa da kedergiler kóbeıgende teńizdegi qaýipsizdikti qamtamasyz etý úshin qajet.