Kaspııdiń quqyqtyq mártebesi qashan aıqyndalady - «Egemen Qazaqstanǵa» sholý
ASTANA. QazAqparat - «QazAqparat» HAA «Egemen Qazaqstan» gazetiniń 23 qarashadaǵy sanynda jarııalanǵan maqalalarǵa sholýdy usynady.
«Egemen Qazaqstan» gazetiniń №226 sany birqatar mazmundy maqalalarymen oqyrman nazaryn ózine aýdarady. Máselen, gazettiń bas maqalasy retinde berilgen «Kúngeıde kúnde toı...» atty Ǵalymjan Elshibaıdyń jazbasy Ońtústik Qazaqstan óńirindegi toı uıymdastyrý sharasynyń dástúrden daraqylyqqa ulasyp bara jatqanyn naqty derekter arqyly qozǵaıdy.
Sondaı-aq, Álısultan Qulanbaıdyń «Qart Kaspııdiń quqyqtyq mártebesi qashan aıqyndalady?» taqyrybyndaǵy saraptamasy qurlyqtyń dál ortasynda jatqan Kaspıı qazanshuńqyryndaǵy tabıǵı resýrstar men geosaıası shekaralyq bólinisterde áli de tolǵaqty máseleler bar ekenin kórsetedi. ıAǵnı, bir kezderi Keńes Odaǵy men Iran elderiniń arasynda ǵana jatqan Kaspııde qazir bes birdeı memlekettiń saıası-ekonomıkalyq múddesi toqaılasyp otyr.
Kórnekti qalamger Janbolat Aýpbaev «Partızan qyzy» atty essesinde maıdanger jazýshy Ádı Sháripovtiń osy attas povesine arqaý bolǵan partızan Jylbek Aqádilov pen onyń otbasynyń Uly Otan soǵysy jyldarynda bastan keshken hıkaıalary men beıbit ómirdegi turmys-tirshiliginiń qalaı jalǵasqanyn jýrnalıstik zertteý nysanyna aınaldyryp, júrek tebirenter ómir oramdaryna boılatady.
Sońǵy kezderde sport jankúıerleriniń arasynda qyzý talqyǵa arqaý bolyp júrgen qazaq kúresiniń elimizdegi damý úrdisterine baılanysty «Qazaqstan barysy» jobasynyń jetekshisi Arman Shoraevtyń Dúnıejúzilik Qazaq kúresi federatsııasynyń jumysyna qatysty aşy synı pikirleri ózek bolǵan maqalasyn da gazettiń osy sanynan oqı alasyzdar.
