Kaspııdiń qazaqstandyq sektorynda alǵash ret teńizdegi apattyq-qutqarý otrıady qurylady - V. Bojko
ASTANA. 13 mamyr. QazAqparat - Kaspııdiń qazaqstandyq sektorynda teńizdegi apattyq-qutqarý otrıady qurylady.
Bul týraly búgin QR Parlamenti Májilisinde ótken Úkimet saǵatynda Tótenshe jaǵdaılar mınıstri Vladımır Bojko málim etti.
Vedomstvo basshysynyń aıtýyna qaraǵanda, byltyrǵy jyldyń jeltoqsanynda QR Premer-Mınıstriniń sheshimimen soltústik-Kaspıı shuǵyl den qoıý bazasy Tótenshe jaǵdaılar mınıstrliginiń qaramaǵyna ótken bolatyn. «Osynyń negizinde Kaspıı teńiziniń qazaqstandyq sektorynda teńizdegi apattyq-qutqarý otrıady qurylatyn bolady. Bul osy teńizdegi áreket etetin alǵashqy qurylym bolmaqshy», - deıdi Vladımır Bojko.
