Kaspııdiń qazaqstandyq bóliginde jylyna 72,5 mln tonna munaı óndirý kózdelýde
«Aldaǵy ýaqytta Kaspıı qubyr jelisi kontsortsıýmynyń qazaqstandyq bóliginde munaı óndirisin jylyna 72,5 mln tonnaǵa deıin arttyrý josparlanǵan. Qazirgi tańda óndiris qýattylyǵynyń kólemi 67 mln tonna bolyp turǵanymen, 54 mln tonna munaı óndiriledi. Joba arqyly eldiń basty ekporttyq baǵdarynyń qýattylyǵyn arttyrý, sonyń ishinde Teńizdegi munaı óndirisin jylyna 43,5 mln tonnaǵa jetkizý josparlanǵan. Joba 2024 jylǵa deıin júzege asyrylady», - dep habarlaıdy mınıstrlikten.
Sonymen qatar, el ishindegi kóliktik baǵdardy jaqsartý úshin Keńqııaq-Atyraý munaı jelisinde «revers» jobasyn júzege asyrý oılastyrylǵan. Osylaısha, bul joba Qazaqstannyń batysynan Shymkent pen Pavlodar munaı óńdeý zaýyttaryna jylyna 6 mln tonna munaı jetkizýge (qazirgi tehnıkalyq múmkindik 1 mln tonna ǵana) múmkindik beredi.
«Qazirgi tańda Shymkent pen Pavlodardaǵy MÓZ-derge óńdeý úshin munaı ónimderi negizinen Aqtóbe men Qyzylorda oblystarynan ǵana jetkizilip jatyr. Osyǵan baılanysty joǵaryda atalǵan jobanyń strategııalyq mańyzy arta túspek. Keleshekte joba eki birdeı MÓZ-di tolyq qýatta jumys júrgizýine jol ashady. Joba 2020 jyly aıaqtalady», - dep habarlaıdy mınıstrlikten.
