Kaspııdiń geologııalyq mazmundaǵy biryńǵaı kartasyn jasaqtaý máselesi talqylandy
QR Investıtsııalar jáne damý mınıstrliginiń uıymdastyrýymen Aqtaý qalasynda «Kaspıı óńiriniń geologııalyq mazmundaǵy GAJ-atlas kartasy» halyqaralyq jobasy boıynsha keńes ótti. Jıynǵa qatysýshylar aldynda Mańǵystaý oblysynyń ákimi Alık Aıdarbaev sóz sóıledi.
- Alǵashqy ret Kaspıı mańy memleketteriniń ókilderi GAJ-aqparattyq derekter júıesiniń iske asyrylýyn, geologııalyq derektermen almasý jáne bizdiń memleketter geologtary arasynda tyǵyz baılanys ornatý máselelerin talqylaý úshin jınaldy. Talqylaý barysynda týyndaǵan usynystar tolyq jáne biregeı GAJ-aqparattyq derekter júıesin-Kaspıı óńiriniń Atlas kartasyn jasaqtaýǵa múmkindik beretinine senimdimin, -dedi Alık Aıdarbaev.
Keńeske Mańǵystaý oblysy ákimdiginiń, QR IDM Geologııa jáne jer qoınaýyn paıdalaný komıtetiniń ókilderi, qatysýshy elderdiń geologııalyq qurylymdary ókilderi, «Q.I.Sátpaev atyndaǵy Geologııalyq ǵylymdar ınstıtýty», «Sh. Esenov atyndaǵy Kaspıı memlekettik tehnologııalar jáne ınjınırıng ýnıversıteti», «Atyraý munaı jáne gaz ınstıtýty» sııaqty elimizdiń joǵary oqý oryndarynyń jáne jetekshi jobalaý ınstıtýttarynyń basshylary, sondaı-aq QR munaı-gaz sektorynyń jer qoınaýyn paıdalanýshylary qatysty.
Qazaqstandyq delegatsııany basqaryp kelgen QR IDM Geologııa jáne jer qoınaýyn paıdalaný komıtetiniń tóraǵasy Bazarbaı Nurabaev QR Investıtsııalar jáne damý mınıstriniń atynan Jeńisbek Qasymbektiń quttyqtaý sózin jetkizdi.
Reseı Federatsııasy atynan RF Tabıǵı resýrstar mınıstriliginiń «Rosnedra» agenttigi basqaryp keldi. FGBÝ «VSEGEI», FGÝP «VNIGII», Iran Islam Respýblıkasy atynan Iran geologııalyq qyzmetiniń basshylary jáne Ózbekstan Respýblıkasy atynan geologııalyq qyzmet ókilderi sóz sóıledi.
TMD elderiniń jer qoınaýyn barlaý, paıdalaný jáne qorǵaý jónindegi úkimetaralyq keńestiń memleketterdiń geologııalyq qyzmetteri yntymaqtastyǵyn belsendi etý jáne keńeıtý týraly hattamasyna sáıkes Kaspıı mańy memleketteri ókilderiniń qatysýymen «GAJ-Kaspıı óńiriniń atlas kartasy» halyqaralyq jobasyn qurýdy uıymdastyrý jóninde sheshim qabyldandy.
Kaspıı óńiriniń joǵary geologııalyq perspektıvalaryn eskere otyryp, bul jobany júzege asyrý 25 jyl ishinde Kaspıı mańy memleketteri jınaqtaǵan geologııalyq, geofızıkalyq, geoekologııalyq jáne ózge de derekterdi biriktirýge múmkindik beredi.
Biryńǵaı geologııalyq-kartografııalyq negiz jáne aqparattyq derekter qoryn qurý óńirdiń ınvestıtsııalyq tartymdylyǵyn arttyrýǵa, óńir turǵyndarynyń áleýmettik-ekonomıkalyq tirligine oń áser etip, keleshekte óńirde qosymsha jumys oryndaryn qurýǵa múmkindik beredi. Bul jalpy Kaspıı óńiriniń munaı gaz sektoryn damytýda salaaralyq mýltıplıkatıvtik áser beredi.