Kaspııdiń ázirbaıjandyq bóliginde Pırallahy-Sýmgaıyt jaǵalaýynyń boıyna 16 tazalaýshy qondyrǵy ornatyldy
BAKÝ. Qańtardyń 19-y. QazAqparat /Arnur Muhametkárim/ - Kaspııdiń ázirbaıjandyq bóliginde Pırallahy-Sýmgaıyt jaǵalaýynyń boıyna 16 lokaldy tazalaýshy qondyrǵy ornatyldy.
Bul qondyrǵylar lastanǵan 650 tekshe metr sýdy tazalaýǵa kómektesedi.
Ázirbaıjannyń Ekologııa jáne tabıǵı resýrstar mınıstrliginen habarlaǵandaı, 2009 jyly atalmysh vedomstvonyń kúshimen Kaspıı teńiziniń jaǵalaý boıynda 1371 ekologııalyq monıtorıng júrgizilgen.
955 shaqyrymdaı aýmaqta júrgizilgen bul zertteýler jaǵajaılardy, teńizde jumys isteıtin kásiporyndardy qamtydy. Nátıjesinde, Kaspıı teńizine aǵatyn 341 sarqyndy arnasy anyqtaldy.
