Kaspııden Ertiske deıin: Atyraýlyq oqýshylar Baıanaýylǵa attandy
ATYRAÝ. QazAqparat -Atyraýlyq 60 oqýshy Pavlodardyń Baıanaýyl aýdanyna ketti, dep habarlaıdy QazAqparat tilshisi.
"Bababar izimen. Kaspııden Ertiske deıin" dep urandatqan atyraýlyq balalar ólketaný aktsııasy aıasynda Baıanaýyldaǵy kıeli jerlerdi aralaıdy.
Oblystyq bilim berý basqarmasynyń habarlaýynsha, atalǵan aktsııany júzege asyrý úshin arnaıy týrıstik jospar qurylyp, tarıhı jerler men mádenıet ortalaryn aralaý baǵyty quryldy.
«Atyraýlyq oqýshylar Baıanaýyl aýdanynyń kıeli jerlerin aralaıdy. Balalardyń demalys baǵdarlamasyna Máshhúr Júsip Kópeevtiń mavzoleıine, Jasybaı batyrdyń eskertkishi men Jasybaı ózenine barý, Qońyr Áýlıe úńgirin aralaý, qola dáýirindegi arheologııalyq eskertkishtermen tanysý sııaqty sharalar engizilgen. Atalmysh shara Baıanaýyl aýdany, Toraıǵyr aýylynda dúnıege kelgen qazaqtyń aqyn-jazýshysy Sultanmahmut Toraıǵyrovtyń 125 jyldyǵyna oraı uıymdastyrylyp jatyr», - deıdi mamandar.
