Kaspııdegi munaı platformasynda bolǵan órtten qaza tapqan toǵyzynshy munaıshynyń denesi tabyldy

ASTANA. QazAqparat - Qutqarýshylar Kaspııdegi «Gıýneshlı-10» munaı platformasynda bolǵan órt kezinde qaza bolǵan toǵyzynshy munaıshynyń denesin tapty. Bul týraly Ázerbaıjan tótenshe jaǵdaılar mınıstrligine silteme jasap, TASS habarlady. Oqıǵa ótken jyldyń 4 jeltoqsan kúni bolǵan edi.

TJM málimetine sáıkes, máıit teńizden 65 shaqyrym qashyqtyqta túrkimen sektorynda tabylǵan. «Aqparat sol kezde jaqyn jerde júrgen túrkimendik «Topaz Legenda» kemesine jetkizildi, olar máıitti bortqa shyǵaryp, Qııanly teńiz portyna jetkizdi. Zardap shegýshiniń qutqarý kıiminen «Azneft» degen jazýdy oqydyq», - dep jazylǵan habarlamada.

Qaza tapqan munaıshynyń kim ekendigi áli anyqtalmady. Aıta keteıik, Kaspııde dúleı daýyldyń kesirinen gaz qubyry jarylyp, Ázerbaıjannyń «Gıýneshlı» munaı platformasynda órt shyqqan edi. Oqıǵa kezinde platformada 63 adam bolǵan. 33 munaıshy qaýipsiz jerge kóshirildi. Osyǵan deıin 8 munaıshynyń denesi tabylǵan bolatyn. Qazirgi kezde 22 adam joǵalyp ketkender qatarynda.