Kaspııdegi kemelerdi baqylaý qaǵıdasy ózgeredi- IDM

ASTANA. QazAqparat - Kaspıı mańy memleketteri Qara jáne Jerorta teńizderindegideı porttarda kemelerdi memlekettik baqylaýdyń biryńǵaı rejımi engiziledi, dep habarlaıdy QazAqparat IDM baspasóz qyzmetine silteme jasap.

QR Investıtsııalar jáne damý mınıstrligi basqa elderdiń salalyq vedomstvolarymen porttyq baqylaýdy iske asyrý tártibine qatysty kelisý jóninde jumystar atqarýda.

«Biryńǵaı tásil teńiz kemeleriniń tehnıkalyq qaýipsizdigin arttyrýǵa jáne aımaqta sýbstandartty kemelerdi paıdalanýdy boldyrmaýǵa múmkindik beredi. Bul óz kezeginde teńiz avarııalarynyń sanyn azaıtýǵa, keme ekıpajy músheleri men jolaýshylar ómiriniń qaýipsizdigin arttyrýǵa, kólik quraldary men júkterdiń saqtalýyn qamtamasyz etýge yqpal etedi.

Sonymen birge, tehnıkalyq jaǵdaıy jaqsy kemelerdi tekserý sany qysqarady jáne kemeniń júzý qaýipsizdigi turǵysynan qaýipti kólik quraldaryn tekserý úshin resýrstardy paıdalaný tıimdiligi artady», - delingen baspasóz habarlamasynda.

Qazirgi ýaqytta Kaspııde 1600-ge jýyq teńiz kemesi paıdalanylýda. Olardyń 320-sy Qazaqstan týymen júredi. 2017 jyly qazaqstandyq porttarǵa shamamen 2 myń keme kirgen.