Kaspııdegi ekologııalyq áreket etý bazasy qys boıy jumys isteıtin boldy

ASTANA. QazAqparat - Soltústik Kaspıı munaı tógindisine ekologııalyq áreket etý bazasy endi qys mezgilinde de jumysyn jalǵastyrady, dep habarlaıdy «QazAqparat» HAA tilshisi.

Kaspıı teńizi men qorshaǵan ortanyń lastanýyna jol bermeý maqsatynda qurylǵan bazany 2013 jyldan beri NKOK kompanııasy jalǵa alyp kele jatyr. Qazir mekemede 40 adam eńbek etedi. Olardyń jumystarynyń negizgi baǵyty - teńizdiń bizdiń elimizge tıesili qaırańynyń soltústik bóligindegi Qashaǵan kenishinde munaı óndirgen ýaqytta apatty jaǵdaı bola qalsa, der kezinde áreket etý.

Buǵan deıin ekologııalyq baza tek jazǵy maýsymda ǵana jumys isteıtin.

«Munaı óndirý kóleminiń artýyna baılanysty endi jyldyń tórt mezgilinde de bul jerde jumys isteledi», - dedi Atyraýdaǵy jumys sapary barysynda atalǵan nysanda bolǵan senator Qaırat Işanov.