Kaspııde jigit pen boıjetken sýǵa ketti - QR TJM
ASTANA. 11 tamyz. QazAqparat - Kaspııde bir jigit pen boıjetken sýǵa batyp ketti, dep habarlaıdy QR TJM-niń baspasóz qyzmetinen.
Juma, 10 tamyz kúni Shyǵys Qazaqstan oblysyndaǵy «Kerýen» demalys bazasyndaǵy Alakól kólinde shomylý kezinde 33 jastaǵy er adam sýǵa batyp ketti. Onyń denesin jaǵaǵa saǵat 12:40-ta QR TJM Shyǵys Qazaqstan oblystyq TJD-niń sý-qutqarý qyzmetindegi 3 adam men 1 tehnıkasynyń kúshimen shyǵaryldy.
Qyzylorda oblysyndaǵy Jańadarııa arnasynda juma kúni 6 jasar bala sýǵa batyp ketti. Onyń múrdesi QR TJM Qyzylorda oblystyq TJD-niń sý-qutqarý qyzmetindegi 3 adam men 1 tehnıkasynyń kómegimen izdestirilýde.
Aqtaý qalasyndaǵy Kaspıı teńizinde 19 jasar jigit batyp ketti. Onyń denesi sýdan QR TJM Mańǵystaý oblystyq TJD-gi sý-qutqarý qyzmetiniń 3 adamy men 1 tehnıkasynyń kómegimen shyǵaryldy.
Sondaı-aq 10 tamyzda Mańǵystaý oblysyna qarasty Quryq kentiniń mańynda Kaspıı teńizine shomylý kezinde 1995 jylǵy bozbala men 1996 jylǵy boıjetken batyp ketti. Olardyń múrdeleri jaǵaǵa QR TJM Mańǵystaý oblystyq TJD-niń sý-qutqarý qyzmetiniń 4 adamy men 1 tehnıkasynyń kómegimen shyǵaryldy.
