Kaspııde týrıstik kemeniń qatynaýy bolashaqtyń enshisinde - Noǵaev
Ortalyq kommýnıkatsııalar qyzmetindegi baspasóz máslıhatynda BAQ ókilderi Nurlan Noǵaevtan óńirge týrıster tartý úshin Kaspıı teńizinde keme qatynasy qashan jolǵa qoıylatyndyǵyn suraǵan edik.
«Bul bolshaqtyń isi. Oǵan kedergi bolyp turǵan másele – Kaspıı teńizi sýy deńgeıiniń tómendeýi. Mamandardyń aıtýynsha, bul tabıǵı jaǵdaı. Qazir teńiz biraz jaǵalaýdan ketti. Biraq statıstıkalyq derekterge sáıkes, mundaı jaıt 1974 jyly bolǵan eken. Teńiz tolqyp turady. Al 90-shy jyldardyń basynda basqa másele oryn alǵan. Tómengi shaǵyn aýdandarda kólik júretin joldardy, úılerdiń jertólerin sý basqan», - dedi oblys ákimi.
Sonymen qatar óńir basshysy Mańǵystaý oblysynda týrızmdi damytýǵa nıetti kez kelgen kásipkerge qoldaý kórsetýge daıyn ekendikterin basa aıtty.
