Kaspııde teńiz bıatlonynan halyqaralyq chempıonattyń bastalýyna daıyndalýda
Sonymen, Qazaqstan Respýblıkasy Qarýly Kúshteri Áskerı-teńiz kúshteriniń «Oral» jáne «Saryarqa» zymyran-artıllerııalyq korablderdiń ekıpajdary joryq kezinde korabldi urysqa jáne joryqqa daıyndaýdy, jeke korablmen jaýyngerlik is-qımyldardy júrgizýdi, shvartovkalardan (zákirler, bóshkeler) korabldiń túsirilimin, bazalaý pýnktinen shyǵýdy, qarapaıym jáne kúrdeli jaǵdaılarda júzýdi pysyqtady.
Zákirge qoıý, zákirden alý, borttyń ar jaǵyna qulap túsken adamdy qutqarý jáne kóterip alý, sondaı-aq halyqaralyq belgiler jıyntyǵy boıynsha korablder men kemelerge belgiler berý jáne taldaý boıynsha jaýyngerlik oqý-jattyǵýlar ótkizildi.
«Kaspıı teńizi» - Táýelsiz Memleketter Dostastyǵy qatysýshy memleketter qarýly kúshteriniń halyqaralyq saıysy. Ol teńiz aıdynynda korablderdiń ekıpajdary jáne teńiz jaıaý áskeri bólimsheleriniń jeke quramy arasynda ótedi jáne baıqaýǵa qatysýshylardyń jaýyngerlik daıarlyq deńgeıin tekserýdiń joǵary nysany bolyp tabylady.
Baıqaýdy ótkizý maqsaty - áskerı kadrlardy daıarlaý, áskerlerdiń (kúshterdiń) daıarlyǵyn jan-jaqty qamtamasyz etý, kásibı daıyndyqtyń deńgeıin, korabl komandırleri, jaýyngerlik bólim komandırleri, teńiz jaıaý áskerleri bólimsheleri komandırleriniń úılesimin tekserý jáne chempıonatqa qatysýshy elderdiń úzdik sýústi korabl ekıpajdaryn, teńiz jaıaý áskerleriniń bólimshelerin aıqyndaý. Sonymen qatar, Kaspıı óńiri memleketteriniń áskerı jáne áskerı-tehnıkalyq yntymaqtastyǵyn nyǵaıtý bolyp tabylady.