Kaspııde «Suńqar» kemesi synaqtan ótti

AQTAÝ. QazAqparat - Oral qalasynda Shaǵan bógeninde 100 jobanyń «Suńqar» sanatyndaǵy kemesi kúrdeli jóndeýden ótip, jańǵyrtylǵannan keıin sýǵa jiberildi. Oral ózeni boıynsha Kaspıı teńizine shyqqan keme tapsyrys berýshi QR UQK Shekara qyzmeti úshin tolyqqandy synaqtan ótedi, dep habarlady «QazAqparat» HAA.

Zaýyttyq jáne bekitý arqany synaǵynan ótti, dep atap ótti jóndeýdi júrgizgen «Zenıt» Oral zaýytynyń qyzmetkerleri.

«Kúrdeli jóndeý 2016 jyly bastalǵan. Nátıjesinde kemeniń bas qozǵaltqyshy, elektr jabdyǵy, navıgatsııalyq jabdyq, baılanys quraly jóndelip, kabýz jabdyǵy jańartyldy, jeke bólmelerge árleý jumystary júrgizildi.

Atap aıtqanda, aýa tazartýdyń zamanaýı júıesi ornatyldy. Tapsyrys berýshilerdiń barlyq tilekteri men eskertýleri eskerildi. Kaspııde keme synaqtyń teńizdegi jáne ózge de túrlerinen ótkizilip, tapsyrys berýshige beriledi», - dedi «Zenıt» Oral zaýyty» AQ bas dırektorynyń marketıng jáne ótkizý jónindegi orynbasary Bogdan Homko.

Homkonyń aıtýynsha, zaýytta joba boıynsha 6-shy «Barys» jáne besinshi FC-19 júrdek kemesin salý jumystary aıaqtalyp qalǵan.