Kaspııde shekarashylar 4 brakoner mingen sheteldik qaıyqty ustady

AQTAÝ. QazAqparat - Qazaqstandyq shekarashylar Kaspıı teńizi akvatorııasyndaǵy jaýyngerlik qyzmeti barysynda qarý qoldana otyryp, brakonerlerdi quryqtady., dep habarlaıdy QazAqparat QR UQK ShÓQ baspasóz qyzmetine silteme jasap.

28 jeltoqsanda Qazaqstan Respýblıkasynyń aýmaqtyq sýlarynda QR UQK ShQ Jaǵalaý kúzeti basqarmasynyń shekara kemesiniń jaýyngerlik kezekshiligi barysynda, 23 saǵat 45 mınýtta (Adamtash múıisinen batysqa qaraı 10 mıl shamasynda) «Baıda» shaǵyn qaıyq anyqtaldy, shekarashylar olardyń sońyna tústi.

«Shaǵyn qaıyqty toqtatý maqsatynda «QR Memlekettik shekarasy týraly» zańyna qarý qoldanyldy. Qaıyqtaǵylardyń bireýiniń oń jaq ıyǵynan janama jaraqat alyp, oǵan medıtsınalyq kómek kórsetildi. 29 jeltoqsanda 00 saǵat 10 mınýtta shaǵyn qaıyq ustaldy. Kemede 4 adam. Ázerbaıjan Respýblıkasynyń azamattarynyń sózine qaraǵanda 40 asyl tuqymdy balyq, 10 jáshik brokonerlik balyq aýlaý jáne spýtnıktik baılanys jáne navıgatsııa quraly tárkilendi», - delingen habarlamada.

Qazaqstannyń  Memlekettik shekarasyn qasaqana zańsyz buzý deregi boıynsha  qylmystyq is qozǵaldy.