Kaspııde shekara buzǵan reseı azamattaryn ustaý úshin qarý qoldanyldy - UQK
ASTANA. QazAqparat - Búgin teńiz shekarashylary Kaspıı teńizin sholyp júrip 44˚25′ soltústik endik pen 50˚00′ shyǵys boılyǵynyń aýmaǵynda qos «ıAmaha» motorly «Baıda» tıptes jyldam júzetin shaǵyn júzý quralyn keziktirdi, dep habarlaıdy QR UQK baspasóz qyzmeti.
Qarańǵyny qaq jaryp kenetten paıda bolǵan teńiz shekarashylarynyń katerin baıqap qalǵan «Baıda» qashýǵa bet alǵan kezde ony toqtatý úshin shekarashylardyń eskertý retinde aspanǵa oq atýyna týra keldi. Shekara buzýshylar budan ári táýekelge bel býýǵa dátteri shydamaı, zákir tastap, qoldaryn kóterdi. Qaıyqta otyrǵan 4 adamnyń barlyǵy da Reseı azamattary eken. Ekeýi 52 jasta, bireýi 36 jasta, al bireýi nebári 20 jasta. Qaıyqtan 200 lıtr aýyz sý, qosymsha ballonymen gaz plıta, azyq-túlik pen qosalqy bólshekter tabylǵanyna qaraǵanda, bular teńizde uzaǵyraq júremiz dep úmittengen bolýy kerek.
Tergeý amaldary júrgizilýde.
