Kaspııde polıtsııanyń emblemasy beınelengen banner ornatyldy
AQTAÝ. QazAqparat - Qazaqstan polıtsııasynyń 25 jyldyǵyna oraı Aqtaýda fleshmob ótkizildi. Oǵan 350 jýyq polıtseıler, qutqarýshylar, joǵary oqý oryndarynyń stýdentteri, balalar men jasóspirimder jelkendi sport mektebiniń tárbıelenýshileri qatysty, dep habarlaıdy «QazAqparat» HAA tilshisi.
Teńiz ústinde polıtsııanyń emblemasy beınelengen úlken banner ornatyldy. Ony jasaýǵa 10 súńgýir qaıyqtyń kómegi qajet boldy. Polıtseıler patrıottyq ánderdi shyrqap jatqan kezde, qaıyqtan 50 kógershin aspanǵa ushyryldy. Teńiz jaǵasynda birneshe jelkendi qaıyqtyń kómegimen «25» mereıtoılyq san jazyldy.
«Biz osyndaı aýqymdy shara arqyly basty maqsaty - qoǵam men azamattardyń quqyǵyn, qaýipsizdigin qorǵaý bolyp tabylatyn Qazaqstan polıtsııasynyń ámbebaptylyǵyn kórsetkimiz keldi. Olar da án salyp, bı bıleı alady», - dedi Mańǵystaý oblystyq ishki ister departamentiniń ınspektory Tórenııaz Azızaev.
