Kaspııde qyrylǵan ıtbalyqtardan alynǵan synama taldaýynyń nátıjesi 15 mamyrda belgili bolady
AQTAÝ. QazAqparat- Kaspııde qyrylǵan ıtbalyqtardan alynǵan synama taldaýynyń nátıjesi 15 mamyrda belgili bolady, dep habarlady «QazAqparat» HAA tilshisi.
Túpqaraǵan aýdanynda Kaspıı jaǵalaýynan túrli jastaǵy 743 ıtbalyqtyń óligi tabyldy.
«Jaǵalaýdan 18-20 shaqyrym ýchaskede ıtbalyqtardyń óligi tabyldy. Ǵylymı gıdrobıologııa jáne vırýsologııa ınstıtýtynyń qyzmetkerleri olardan synama aldy. Tinnen, ishki aǵzalardan úlgiler alyndy. Búgin olar Almatyǵa ushady. Topyraq, sýdan alǵan synama normaǵa sáıkes, sondyqtan biz ázirge olardyń neden qyrylǵanyn bilmeımiz. Ázerbaıjanda Apsheron jarty aralynda da ólgen ıtbalyqtar tabylǵany belgili. Tumaý boldy ma, kárilikten be... ıtbalyqtar qysta ólgen bolýy da múmkin. Keıbiriniń terisi bolǵan joq, qara daqtar boldy. Olar polıgonda órteldi», - dedi Mańǵystaý oblystyq orman sharýashylyǵy jáne janýarlar álemi ınspektsııasy basshysynyń orynbasary Q. Ashahov.
Іzdeý sharalaryna Mańǵystaý oblystyq orman sharýashylyǵy jáne janýarlar álemi ınspektsııasynyń eki bólimi qatysty, barlyǵy 13 adam, sondaı-aq qajetti tehnıkamen «Kaspıı» kommýnaldyq kásipornynyń qyzmetkerleri atsalysty.
Ashahov synama nátıjesi 15 mamyrda daıyn bolatynyn aıtty.
