Kaspııde qyrylǵan ıtbalyqtardyń sany 80-ge jýyqtady

AQTAÝ. KAZINFORM – Kaspıı teńiziniń jaǵalaýyna monıtorıng júrgizý barysynda tabylǵan ıtbalyqtardyń óleksesiniń qatary artty. 

31 naýryzda ınspektsııa qyzmetkerleri jergilikti atqarýshy organmen birlesip, Kaspıı teńiziniń jaǵalaýyn qaraý kezinde 16 óli ıtbalyqtyń ólekselerin tapty. Al 1 sáýirindegi jaǵdaı boıynsha óli ıtbalyqtardyń jalpy sany 78-ge jetip otyr. 

Buǵan deıin Mańǵystaý oblysy boıynsha balyq ınspektsııasy basqarmasynyń qyzmetkerleri Jaıyq-Kaspıı oblysaralyq basseındik balyq sharýashylyǵy ınspektsııasynyń ókilderimen Túpqaraǵan aýdanyndaǵy Kaspıı teńiziniń jaǵalaýyna monıtorıng júrgizý barysynda 62 óli ıtbalyqtyń ólekselerin tapqanyn málimdegen bolatyn. 

Shuǵyl túrde ıtbalyqtar tabylǵan jerge Jaıyq-Kaspıı oblysaralyq balyq sharýashylyǵy basseındik ınspektsııasy, Mańǵystaý oblysy boıynsha ekologııa departamenti, Kaspıı ıtbalyǵyn zertteý jáne ońaltý ortalyǵy, veterınarlyq stantsııa jáne jergilikti atqarýshy organdar ókilderinen turatyn jumys toby oqıǵa ornyna attandy.

​Qazirgi ýaqytta Mańǵystaý oblysy boıynsha ekologııa departamenti sý synamalaryn alǵan. Al keterınarııalyq stantsııa qyzmetkerleri ishki aǵzalardyń tinderin (baýyr, ókpe), al Kaspıı ıtbalyǵyn zertteý jáne ońaltý ortalyǵy azý tisterin, tyrnaqtaryn jáne júnine tıisti zerthanalyq zertteýler júrgizip jatyr.

Sonymen qatar jergilikti atqarýshy organdar, mamandandyrylǵan ǵylymı uıymdar, Kaspıı ıtbalyǵyn zertteý jáne ońaltý ortalyǵy, gıdrobıologııa jáne ekologııa ınstıtýty, qazaqstandyq qoldanbaly ekologııa agenttigi, mıkrobıologııa jáne vırýsologııa ǵylymı-óndiristik ortalyǵy, oblystyń veterınarııalyq qyzmeti, ekologııa jáne polıtsııa departamentteri, Tabıǵat qorǵaý prokýratýrasynan quralǵan jumys tobynyń barlyq músheleri jedel túrde habardar etildi. 

Túpqaraǵan aýdandyq ákimdigi osyǵan deıin tabylǵan 40 ıtbalyqtyń óleksesin joıý júmystaryn júrgizse, taǵy 22 dana ıtbalyq synama alý úshin saqtalyp otyr.

«Tabylǵan ólekselerde fızıkalyq zaqym anyqtalǵan joq. Itbalyqtar tabylǵan jerge Almaty qalasyndaǵy Gıdrobologııa jáne ekologııa ınstıtýtynyń ǵalymdary keldi. Olar búginde tabylǵan ushalardan tıisti zerthanalyq zertteýler júrgizý úshin ishki aǵzalardyń tinderin (baýyr, ókpe), sondaı-aq azý tisterdi, tyrnaqtar men júndi ishinara irikteýde», - dedi Balyq sharýashylyǵy komıtetiniń baspasóz qyzmeti.

Qazirgi ýaqytta Jaıyq-Kaspıı oblysaralyq basseındik balyq sharýashylyǵy ınspektsııasynyń qyzmetkerleri Kaspıı teńiziniń jaǵalaý aımaǵynyń monıtorıngin jalǵastyryp jatyr.